اولا احب اشكر القائمين علي هذا المنتدي
ثانيا استفساري بخصوص والدتي تتقاضي نصف معاش والدي ووالدي متوفي من ٢٠٠٦ ووالدها متوفي من ١٩٧٨ ولما والدي توفي كانت امها واختها مطلقه في معاش والدها توفت الام والاخت المطلقه ٢٠١٠ دخل في المعاش اخ ليهم معوق وتوفي شهر ٩ سنة ٢٠١٧ وبلصدفة لاقيت رقم معاش والد امي وبلكشف عليه طلع ٤١٠٠ ومفيش اي مستفيد في المعاش في حين امي تتقاضي ١٧٥٠ من معاش زوجها ولما موظفة مكتب التامينات اللي فيه معاش زوجها حسبت نسبتها اللي عي ٢/٣ في معاش ابوها طلعت اكتر بحوالي الف جنيه تقدمنا للمكتب اللي فيه معاش والدها بلاوراق المطلوبه فسالوني فين اخوها فلان لانه متسجل ليه كشف طبي من شهر ١٠ سنة ٢٠١٧ قولتلهم متوفي من قبل التاريخ ده بشهر فطلبو شهادة الوفاة بتاعته ولما خلصو التسوية لاقيناهم مدين الابنه الارمله ٦٩ جنيه فقط مع ان المعاش مفهوش اي مستفيد وبسؤال مراجعة المنطقه قالت اصل دخلنها باثر رجعي من ٢٠٠٦ من تاريخ وفاة زوج الارمله طيب النسبه ديه مش بتزيد تدرجي لانها حاليا المستفيده الوحيدة وخصوصا بعد وفاة اخوها في ٢٠١٧ وبكده يطبق عليها منشور ٢٠١٦ بازدواج المعاشين الزوج والاب وعمل نسبة بينهم قالتلي لا علشان الموظف لما قفل ملف اخوها بشهادة الوفاه قفله في شهر ٤ سنة ٢٠١٩ ازاي يا استاذه ده متوفي من ٢٠١٧ ردت قالت معرفش اصل مش هيظهر قدامي علي الشاشه وطلبت مني اجيب من مكتب تامينات الوالد اصل نموذج ٥ ومرمطوني مشاوير بين المنطقه والمكتب وفي الاخر قالو نصيبها ال ٦٩ جنيه انا مش عارف اشتكي موظفة المنطقه وموظف مكتب التامينات لمين وهل كلامهم صح ام خطاء
واسف للاطاله

محدش بيستجيب بيقولي روح للموظف المختص بلملف والموظف المختص ورئسة قسم المعاشات بلمكتب بيقولو احنا خلصنا وبعتنا التسوية للمنطقه ومراجعة المنطقه بتقولي ده نصيبها وحقها وروح اشتكي وبصراحه انا مش عارف اشتكي فين ولمين انا حاسس ان في خطاء في الموضوع والمراجعه ومديرة قسم المعاشات بلمكتب بيداروه مع بعض والمراجعه طلبت مني شهادة وفاة خالي اخر واحد كان في المعاش ومتوفي من ظ¢ظ*ظ،ظ§ وطلبت اني اروح المكتب اجيب منهم اصل نموذج ظ¥ وانا متاكد ان كل ده علشان تقنعني انهم بحثو الملف وحقها 69 جنيه فقط من معاش ظ¤ظ،ظ*ظ* ليها فيه ال 2/3

وروح اشتكي وبصراحه انا مش عارف اشتكي فين ولمين
رئيس الهيئة 3 شارع الألفي - وسط البلد - القاهرة

تمام وشكرا لمجهود حضرتك هروح مكتب خدمة المواطنبن في الالفي

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم

تم الذهاب لمكتب شكاوي المواطنين بلالفي والموظف قالي مقدرش اعملك شكوي انت جاي تشتكي مدير منطقه علي درجة وكيل وزارة اطلع لنائب مدير المصلحه وقابلته بلفعل واتصل بيه تليفونيا وبلغه انهم هيخلصو ملف واضافة الميزة يوم الاحد ولما حكيت الموضوع بلكامل لنايب المدير قالي هي هتخش معاش والدها من تاريخ وفاة الزوج من 2006وهيطبق عليها منشور حدود الجمع 2016لوفاءة الاخ المستفيد في 2017وهيطبق عليها منشورحدود الجمع 2018 قالي هيطبق عليها حدود الجمع مرتين قولتلو طب لو حصل تعنت من المراجعه قالي تعالالي وهطلعك قسم المعاشات في الالفي يدرسو الملف اسف علي الاطاله بي انا مش فاهم حاجه من كلام المدير يعني ايه الحاله يطبق عليها منشور 2016ومنشور 2018

تابع مع المكتب المختص
حيث لديه البيانات المطلوبة لاجابة سؤالك

تم التوجه الي مكتب السيد مدير المنطقه وتم استدعاء مىاجع المنطقه وطلب منه اعادة مراجعة الملف وطلب مني المراجع اروح المكتب واجيب صورة من اصل نموذج ٥وصورة من اخر كشف طبي اخوها واخد بيه معاش واخر كشف لاقينا في الملف بتاريخ شهر اغسطس ٢٠١٢ والجنه بتمنحه بيه سنتين فرد عليا المراجع وقالي ده اخوها المفروض اخر صرف ليه يكون في اغسطس ٢٠١٤وبكده خرج قبل المنشور ٣١٠ لسنه ٢٠١٧ والمنشور 2 لسنه 2018وبكده مش من حقها حدود الجمع علشان زوجها توفي في 2006وبندخلها باثر رجعي في معاش والدها من تاريخ وفاة زوجها فرديت عليه طيب ازاي اخوها عندك علي الحاسب كان بيصرف لغاية شهر سبتمبر 2017 شهر وفاته قالي الابن المعوق الحاسب مش بيوقفه هو اللي بيجي بعد انتهاء قرار العجز وبيجدد وكده هو كان بيصرف ال 3 سنين دول بدون حق ومن حقنا نطالبها هي بل 3سنين دول لانها هي المستفيده الوحيده في المعاش قولتلو طيب اللي هو ازاي واحده بتاخد 70جنيه من اصل 4100عايزين تعملولها مطالبه ب 90الف جنيه وهي ولا قبضت ولا صرفت ما يمكن هو واخد فعلا قرارات وضاعت من الملف مردش عليا خدت بعضي وطلعت علي مكتب نائب مدير الهيئه 3 شارع الالفي وحكيت ليه الموضوع واستدعي موظف شكله فاهم في التشريعات وقالي احكي وفتحو الشاشه وفتحو معاش والدي ومعاش والدها وسالوني هل تزوجت قبل وفاة والدها وله بعد الوفاه قولتلهم لا كانت متزوجه قبل وفاة والدها وراجعو معايا كل الكلام ده علي الحاسب واتصلو بموظف المنطقه اللي رد بانفعال وقالهم انه رجع للتشريعات ومش من حقها حدود الجمع بين معاش الزوج والوالد علشان الزوج توفي في 2006وهي مقدمتش غير في 2019فمش من حقها تطبيق حدود الجمع والسيد نائب مدير الهيئه يقولو المنشور 310 لسنة 2017والمنشور 2 لسنة 2018 يقولو برضو مش من حقها قاله خلاص اعملي مذكرة بلحاله وابعتهالنا ندرسها وطلبو مني اني اروح بعد اسبوع اخد من مراجع المنطقه رقم الصادر واروح بيه الهيئه علشان يراجعو المذكرة والحاله عندهم في قسم المعاشات والتشريعات ويشوفو ليها حق وله لا
كان عندي استفسار
هل زواجها قبل وفاة والدها لمصلحتها وله ضدها
هل لو فعلا اخوها خد 3 سنين بدون عرضه علي الجنه الطبيه يطالبوها هي بسداد المبلغ ده
هل فعلا رئاسة الهيئة تقدر ترجعلها حقها لو ليها حق لاني سمعت المراجع بيقولهم في التليفون ان الحاله داخله بلباسورد بتاعه فقالو لو هيحصل تعديل هيكون بلباسورد بتاعك
اسف علي الاطاله بس الموضوع تعبنا نفسيا وخلانا ندمنا اننا قدمنا علي المعاش ده

معذرة -تابع مع المكتب المختص ورئاسة الصندوق
حيث لديهم كافة البيانات المطلوبة لاجابة أسئلتك