مساء الخير سياده المستشار انا كنت كتبت لحضرتك من حوالى سنتين وقولت انى كنت باخد معاش عن والدى ووالدتى واتشال معاش والدى لما اشتلغت وفضلت اخد معاش والدتى بس بجانب مرتبى واللى كانوا معايا فى المعاش هما اختى وجدتى والده والدى فاختى راحلها التلتين والتلت لجدتى لحد مااتجوزت اختى وعلى الرغم من ان المفروض يروح التلتين لجدتى الا ان المعاش محصلش فيه اى تغيير لحد مااتوفت جدتى والنهارده لسه واصل جواب فيه شيكات لجدتى بس بعد ماجدتى ماتت بشهور كتير بمبلغ كبير بالاضافه لان معاشها لسه شغال بس محدش بياخده ولما اتوفت جدتى انا كبرت دماغى ومعدتش بسال عن الموضوع دا لانى عارفه انه خلاص راح المعاش للحكومه لان جدتى اتوفت واختى اتجوزت وانا بشتغل وزى ماقولت لحضرتك انا باخد معاش والدتى بجانب مرتبى وفى الاول كان معاش والدى اللى راح قد مرتبى لكن لما حصلت زياده فى المرتبات فى شهر 1 اللى فات زدت حوالى 350 جنيه كمان معاش والدى هو كمان زاد مرتين ورا بعض ولما جيت احسب لقيت ان معاش والدى اصبح نصيبى لو رجعلى بعد موت جدتى وجواز اختى اكبر من دخلى بحوالى 200 جنيه يعنى لو كنت رحت قدمت شهاده وفاه جدتى كنت هزيد ال200 دول بس بعد زياده المعاش بوقت قصير زادت المرتبات 350 جنيه فحسب حسابى ممكن اكون باخد زياده حوالى 150 فى الشهر وممكن اكون غلطانه فى حسابى مش عارفه بس انا سالت الموظفه عندى قالتلى ان الزياده دى مش دايمه واننا ممكن مناخدهاش تانى بعد كام شهر هى تحت مسمى اعباء وظيفيه فقلت اكبر دماغى ومرحش التامينات اصلا عشان هما عندنا ازكيا وممكن يشيلوا معاشى اصلا ويلففونى وبياخدوا وقت طويل اوى ممكن سنين المهم انى مرحتش لاقدمت شهاده وفاه جدتى ولا الزياده فى مرتبى لان الموظفه قالتلى انها ممكن تكون مؤقته واللف والدوخه اللى بشوفها هناك عموما انا مرتبى اللى باخده 1185 جنيه غير 2000 جنيه مكافاه امتجانات ومعاش والدتى 1018 جنيه ومعاش والدى الاجمالى بتاعه بقى 1800جنيه حاليا وعلى فكره اصلا جدتى مااتعملهاش اعلام شرعى ومش عارفه بقى الشيك بتاعها دا مصيره ايه فياريت حضرتك تفيدنى وتقولى اعمل ايه وياترى فيه مسؤليه عليا انى مبلغتش ان جدتى اتوفت مع العلم ان تقريبا محدش بياخد معاشها وموضوع حساباتى والفرق بين معاشى ودخلى

تراجع الجهة التي بها ملف المعاش
بعد موافاتها بكافة البيانات اللازمة وفقا للقانون
لاتخاذ الاجراءات التصحيحية اللازمة في هذا الشأن
في ضوء المستندات التي تطلبها هذه الجهة

اوك شكرا لحضرتك

بارك الله فيكم