السلام عليكم ورحمة الله وبركاته لعل حضرتك بصحه وعافيه انا مش عارفه اذا كان حد قبلى تطرق للموضع ده ولا لأ لكن بعد قانون 148 نواجه عذابا فوق العذاب فى التعامل مع برامج الحاسب الالى التى اقل ما يقال عنها انها متخلفه كيف نسعى للتطوير بتلك البرامج البدائيه كيف بالله عليك عند تسجيل تغطيه س7 منشأه فرضا بدء الاشتراك فى 2017 يتم تسجيلها على جزءين جزء ما بعد 2020 الميمونه وجزء ما قبل بتسويه يدويه بببيان تاريخى مده سابقه يعنى نسجل الاستماره على 6 خطوات تسجيل ومراجعه المده السابقه تسجيل ومراجعه المده الحاليه تسجيل ومراجعه التسويه وكل ده بفرض ان الاجهزه بقى بسرعه الضوء وشغاله على طوال ساعات العمل نيجى بقى لاستماره 6 لتسجيل س6 بتاريخ ما قبل 2020 يتم الغاء مده 2020 ثم تسجيل تاريخ الانهاء ثم مراجعته وان كان تاريخ قديم عايزين تسويه فوايد والجديد بقى ان خصم الاشتراكات بيتم على اخر اجر اللى هو اجر 2019 اللى هو مثلا 120 فى حين الربط كان شغال على 210 ومطلوب عمل تسويه بفرق الربط ده على سبيل المثال لا الحصر واسيب لحضرتك تخيل ما بعد ذلك طب دى حاجات ليها حل لكن فيه ملفات مثلا بتتعرض على التوجيه الفنى وبتاخد الموافقه لكنها ضد برامج الحاسب الموضوعه ملف صاحب عمل صاحب حيازه لاكثر من فدان بلغ السن فى 2017 وطبعا طبقا للقانون السابق هايتعمله ملف بدء من 2014/10/1 ولانه بلغ السن فى 2017 هايستكمل لحد ما المده تبقى 10 سنوات يعنى هايصرف فى 2024 نيجى بقى للمهم حاولت اسجل الحاله بكل الطرق الممكنه ما امكنش الحاسب يقولى السن اكبر من 65 طب ازاى بالله عليك نظريا يستحق وعمليا لا نستطيع التنفيذ ناس مؤمن عليها كانت فى اجازه جه قرار العوده للعمل فى 1/1/2020 تيجى تسجل الحاله يقولك التعديل فى الشهر التالى لتغيير كود نوع المده يعنى اسرق من حق المؤمن عليه شهر علشان اخطاء البرنامج الموضوع حضرتك حاجات من دى كتير ومحدش بيفهم حد ولا حد بيرد على حد انا عارفه ان سيادتك مش مختص بالمشاكل دى بس مش لاقيه حد اسأله ويوجهنى ولله الامر من قبل ومن بعد