انا كان معايا اخت متزوجه قبل وفاة ابويا وزوجها توفى بعد وفاة ابويا بعشر سنين واخذت معاش تامينى لزوجها ثم ربط لها معاش من ابوها وبعد كدة تزوجت مرة اخرى وقطع معاش ابوها واخذت 3 سنين متزوجة ثم طلقت ورجعت تانى لمعاش ابوها هل بهذا المره من حقها ان تعود فى المعاش ابنة اساسيه ام يكمل لها مم معاش ابوها على معاش زوجها ارجو الرد ولسيادتكم جزيل الشكر .

تستحق من معاش والدها الفرق
اذا كان نصيبها في معاش والدها أكبر من نصيبها في معاش زوجها الأول
وذلك في تاريخ طلاقها من الزوج الأخير

سلام عليكم : شكرا على هذا الرد الرائع يا سيادة /المستشار .
بس اللي حصل معايا غير كدة خالص فى التامينات يا فندم لما تقدمت الى هناك لمعرفة سبب قطع معاشى تبين انى اختى تقدمت بطلب لحصولها على معاش والدها بعد تقديم قسيمة الطلاق من زوجها الثانى وبدل مايعود معاشها لا دا قطعو معاشى انا وربط لها نصفه لما قالت ازى الكلام دا قالولى هو كدة وخلاص دا شغلنا واحنا عارفين بنعمل ايه قولتلهم يافندم معاش والدتى قاعد زى ماهو وانا اخذتو نصف معاشى ليها هو مش في حاجة اسمها دون المساس ولا انا كلامى غلط قالولى يا استاذ الكلام دا كلام الهيئة ودا اخر كلام معانا من فضلك يااستاذ . وانا الان عايز الرد ضروى ضروى للافاده من فضلك يا فندم على هذا الكلام . وربنا يجعله فى ميزان حسناتك يا استاذ محمد وشكرا .

مطلوب بيانات تفصيلية عن الحالة
مؤيدة بالتواريخ
وبيان الأسرة وحالة كل منهم منذ تاريخ وفاة الوالد حتي الآن

السيد المستشار / محمد الصياد
(( التحية الطيبه وبعد .....))
سؤال ضرورى ضرورى من فضلك عايز الافادة من حضرتك عليه .
ابنة تزوجت عام 1999قبل وفاة والدها عام 2000 وترملت عام 2010 وربط لها معاش من والدها مائة جنية وخمسة قروش ثم زاد معاشها وفى عام 2011 تزوجت هذا البنت مرة اخرى وقطع معاشها واضيف ليا انا لانى كنت فى هذا الوقت ابن عاجز فى المعاش وكنت اخذ معاش لوالدى 2140 جنية وفى 2013/12 طلقت البنت من الزوج الثانى واخذت نصف معاشي انا الابن العاجز دا بدل ماتعود بالافتراض يتطبق عليها حالة دون المساس رجعت ابنة اساسية .وانا قولت ازى دى متزوجة قبل وفاة والدها قالو فى التامينات انى البنت من حقها ان تخذ معاك انت مش مع والدتك فى المعاش وكمان البنت هى ليها منحة زواج .
هل دا من حقها ام لا ان تعود البنت ويتطبق عليها حالة دون المساس ارجو الرد من حضرتك للافادة . وششششششكرا .
((( وتفضلوا بقبول فائق الاحترام والتقدير )))

مطلوب الاجابة تفصيلا
وفقا للمداخلة 4
لجميع أفراد الأسرة
بما فيهم أنت

منذ تاريخ وفاة الوالد فى 2000/04/01 كانو المستحقين فى المعاش هما انا من مواليد 1988/08/29وقطعت عن المعاش فى 2012/08 ولم اخذ منحة القطع بتاعتى لانى عدت تانى فى المعاش ابن عاجز من2012/09 حتى 2014/09 . واختى الفتاه وهى من مواليد 1982/05/19 وقطعت عن المعاش لانها تزوجت عام 2003 او2004 واخذت منحة الزواج .
واخى الفتا وهو من مواليد 1976/04/06 وقطع عن المعاش بعد ان اكمل السن القانونى واخذ منحة قطع ابناء بعد وفاة والدى فى شهر 2000/05 ووالدتى وكان معى اخ متزوج قبل وفاة والدى عام 1995 واخت متزوجة قبل وفاة والدى وهذا البنت هى اللى عليها النزاع وهى من مواليد 1978/12/18 ومتزوجة من الزوج الاول المتوفى فى 1999/05/09 ارجو الرد من حضرتك للافادة هل البنت حتى لو تزوجت تانى وطلقت لها الحق ان تعود فى معاش والدها ابنة اساسية ام انها تعود ابنة افتراضية ويتطبق عليها حالة دون المساس وانها لن تمس معاش احد منا انا ولا الوالدة . وشكرا على متابعة حضرتك لهذا الموضوع يا معالى المستشار .

(( ولكم من كل الحترام والامتنان والتقدير ))

من المداخلة 7
منذ تاريخ وفاة الوالد فى 2000/04/01 بيانات الأسرة والتطورات التي حدثت عليها :
1 - انا من مواليد 1988/08/29وقطعت عن المعاش فى 2012/08 ولم اخذ منحة القطع بتاعتى لانى عدت تانى فى المعاش ابن عاجز من2012/09 حتى 2014/09
2 - واختى الفتاه وهى من مواليد 1982/05/19 وقطعت عن المعاش لانها تزوجت عام 2003 او2004 واخذت منحة الزواج .
3 - واخى الفتا وهو من مواليد 1976/04/06 وقطع عن المعاش بعد ان اكمل السن القانونى واخذ منحة قطع ابناء بعد وفاة والدى فى شهر 2000/05
4 - ووالدتى
5 - اخ متزوج قبل وفاة والدى عام 1995
6 - اخت متزوجة قبل وفاة والدى وهذا البنت هى اللى عليها النزاع وهى من مواليد 1978/12/18 ومتزوجة من الزوج الاول المتوفى فى 1999/05/09


من المداخلة 5
البنت 6
تزوجت عام 1999قبل وفاة والدها عام 2000 وترملت عام 2010 وربط لها معاش من والدها مائة جنية وخمسة قروش ثم زاد معاشها وفى عام 2011 تزوجت هذا البنت مرة اخرى وقطع معاشها واضيف ليا انا لانى كنت فى هذا الوقت ابن عاجز فى المعاش وكنت اخذ معاش لوالدى 2140 جنية وفى 2013/12 طلقت البنت من الزوج الثانى


في ضوء ما تقدم
1 - في تاريخ وفاة الوالد فى 2000/04/01المسحقين في المعاش
الابن 1 - البنت 2 - الابن 3 - الأرملة 4

2 - فى شهر 2000/05 تم قطع معاش الابن 3 و أصبح المستحقين في المعاش
الابن 1 - البنت 2 - الأرملة 4

3 - في عام 2003 او2004 تزوجت البنت 2 وأصبح المستحقين في المعاش
الابن 1 - الأرملة 4 أصبح كل منهما مستحقا نصف المعاش

4 - في عام 2010 ترملت البنت 6
يحدد لها نصيب في معاش والدها بافتراض استحقاقها في تاريخ وفاته دون المساس بمعاش الابن 1 والأرملة
وحيث المستحقين من الأولاد في تاريخ وفاة الوالد 3 أولاد
وحيث نصيبهم في هذا التاريخ نصف المعاش لوجود أرملة
يكون نصيب البنت 6 في تاريخ ترملها = 1 / 8 المعاش
وتطبق عليها حدود الجمع بين نصيبها في معاش الوالد ونصيبها في معاش زوجها
ويظل الابن 1 - الأرملة 4 كل منهما مستحقا نصف المعاش

5 - فى عام 2011 تزوجت البنت 6 مرة اخرى وقطع معاشها
ويظل الابن 1 - الأرملة 4 كل منهما مستحقا نصف المعاش

6 - فى 2013/12 طلقت البنت من الزوج الثانى
يعود نصيب البنت 6 في تاريخ طلاقها= 1 / 8 المعاش
ويعود لها الحق في معاش زوجها الأول
وتطبق عليها حدود الجمع بين نصيبها في معاش الوالد ونصيبها في معاش زوجها الأول
ويظل الابن 1 - الأرملة 4 كل منهما مستحقا نصف المعاش

السلام عليكم ياسيادة المستشار. أ/ محمد الصياد
بتقدم لحضرتك بخالص الشكر على هذا الرد بتفاصيل واتمنى لحضرتك الصحة والعافية وربنا يجعله فى ميزان حسناتك . سؤال اخر من فضلك
اولا : افهم كدة من حضرتك انى البنت 6 لها الحق ان تعود لمعاش والدها بعد طلاقها من الزوج الثانى بالافتراض مرة اخرى دون المساس مع مرعاة حدود الجمع بين معاش والدها ومعاش الزوج الاول وانى الابن 1 والارملة 4 يستحق كلا منهم نصف المعاش .
ثانيا : ليه لما انا اتقدمت للتامينات والمعاشات قالولى انى البنت 6 من حقها ان تاخذ نصف معاشك انت الابن العاجز قولتلهم ازى يافندم قالولى هو كدة ودا كلام الهئية فى مصر هى اللي نزليتها على السستم واللي انت متعرفهوش انى البنت 6 لها الحق كمان منحة زواج من والدها .
وانا معرفتش اعمل ايه و ساكت ومشيت وانا دلوقتى مش عارف اعمل ايه فى معاشي اللي نقص من 2140 جنيه لي 1070 جنيه وكمان الفرق ال 802 جنيه اللي خصم مني للبنت 6 اخذته فى الثلاثة شهور اللي مضت 2014/7/6/5 .
ارجو الرد للافادة من فضلك وشكرا جزيلا مرة اخرى

يتم تقديم شكوي لمنطقة التأميات التابع لها المكتب المختص
تتضمن تفاصيل الموضوع لاتخاذ اللازم