قوانين غريبة شوية
يعنى لو معاش أختى من زوجها وصل لـ 400 ج تاخد معاش 75 ج ازاى ؟
طب هل اختى تقدر تلغى معاش جوزها وكده تاخد نصف معاش ابوها 475 ج

لو كان نصيب الابنه فى المعاش عن زوجها - بدون الأولاد - 400 جنيه يكون نصيبها فعلا فى معاش والدها 75 جنيه
ولكن فى هذه الحاله سوف يكون نصيب الأرمله ( الوالدة ) 712.5 جنيه وهو الحد الأقصى لنصيبها بواقع ثلاث أرباع
-
ما هو الضرر من القوانين اذا كان سوف يتم صرف المعاش عن الوالد كاملا بمبلغ 950 جنيه وفى نفس الوقت سوف تستمر الإبنه فى صرف معاشها عن زوجها
وقيام الإبنة بالجمع بين معاشين هى ميزة كبيرة سوف تتضح أثارها فى المستقبل مع تطبيق أحكام الرد والأيلولة
-
والمعاش عن الوالد فى الحالة المعروضه لن يتم صرفه بأكثر من 100 % - 950 جنيه بالإضافة الى زيادات المعاش التالية

شكرا سيادة المستشار على كل توضيحاتك
جعلها الله فى ميزان حسناتك
ولو انى حاسس ان القوانين دى مش عادلة اوى

شكرا أخى محمود على كل مداخلاتك
بس فيه حاجة انا لسا واخد بالى منها والبركة فيك
هيا الأرملة الابنة عندها ابن وبنت لسا صغيرين (14 سنة , 7 سنين) والباقى عدى السن
يبقه الأرملة البنت لها نصف معاش زوجها وأولادها الاتنين لهم النص الباقى لمعاش ابوهم
يبقه الأرملة البنت لها 90ج فقط من معاش زوجها يبقه كده لها 475 - 90 = 385 ج
والأرملة الأم لها 475 + 90 = 565ج
صح كده ولا ايه؟

إذا كان النصيب بدون الأولاد 90 جنيه فيكون ما ذكرته فى مداخلتك صحيح

ولكن البيانات االمعرضة لا توضح كم يبلغ نصيب الأرملة ( الأبنه ) فى معاش زوجها
لأنك ذكرت فى مداخلة سابقة أن معاش الابنة واولادها القصر 180 جنيه وكان زوجها متزوج بأخرى وانجب منها بنت
فإذا كان تلك البنت من الزوجه الأخرى تصرف نصيب ( السدس ) فى المعاش ففى هذه الحالة يكون نصيب الأرملة ( الإبنه ) 108 جنيه

المهم أن نصيب الأرملة ( الإبنة ) فى المعاش عن زوجها فى تاريخ وفاة الوالد طبقا للبيان التفصيلى الذى سوف تقوم بإحضاره من مكتب التأمينات
هو الذى سوف يتم خصمه من نصيبها فى معاش والدها وهو الذى سوف يتم رده الى معاش الأرملة ( الوالدة ) فى حدود الثلاث أرباع

بارك الله فيكم

ممكن كمان سؤال
روحنا التأمينات وجبنا نصيب اختى من معاش زوجها فكان 24.63 ج فقط مع العلم اننا عرفنا ان المعاش الكلى التى تتقاضاه(أختى) عن زوجها هى وأولادها 205 ج بخلاف 19.5 ج معاش البنت من الزوجة الثانية أما الزوجة الثانية فلا تأخذ شيئا لأنها تزوجت
فكم نصيب الزوجة الأولى (أختى) والتى سوف يخصم من معاش أبوها ويضاف لمعاش أمها.
ولكم جزيل الشكر والتقدير

قيمة المعاشات الواردة فى مداخلتك غير منطقية ولا يوجد أى إحتمالات لصحتها

أومال يبقه نصيبها ايه لو معاش جوزها اللى بتقبضه 205 ج غير 16.5 لبنت جوزها