بسم الله الرحمن الرحيم
السلام عليكم ورحمه الله وبركاته
استاذ محمد من فضلك سؤالي في إيجاز عشان مطولش علي حضرتك
عندي محل كمبيوتر و اعلانات من سنه 2008 و عملت طبعا السجل التجاري و البطاقة الضريبية
واشتركت في التأمينات سنه 2018 وفهموني ان المبلغ المطلوب سداده عن ال10 سنوات السابقة مع الفوآئد بدون تسوية 13400 جنيه وذلك للربط علي اشتراك 75 جنيه وهذا المبلغ حالة عدم تسوية
اما حالة التسوية المبلغ المطلوب 4300 جنيه و لما سألت عن الفرق من حالة التسوية و عدم التسوية كان الرد في اختصار شديد حالة التسوية يكون المعاش قليل مع فقد المزايا التأمينية
ممكن حضرتك توضحلي المسألة ؟ وهل ادفع المبلغ الكبير و لا المبلغ الصغير ؟ وايه هي المزايا دي ؟
كمان كده المعاش بناء علي إشتراك 75 جنيه هيكون كام عند التقاعد واستحقاق المعاش؟
وهل سن التقاع 60سنه ولا 65 سنه ؟
وهل الاشتراك ده اللي هو بنسبه 15% من الدخل وشريحته 500 جنيه وما موقع الدخل ده من الدخل الثابت و الدخل المتغير؟


اتمني الافاده وجزاكم الله خيرا

سيادة المستشار منتظر رد حضرتك جزاك الله خيرا

انا مش عارف الإشكالية فين هل عنوان الموضوع خالي من الإيضاح . معقول يا جماعة 38 مشاهده ولا رد يوضح المسألة

لعل تأخر سياده المستشار محمد في الإفادة خير

ممكن حضرتك توضحلي المسألة ؟ وهل ادفع المبلغ الكبير و لا المبلغ الصغير ؟ وايه هي المزايا دي ؟
نظرا لأن نظام التأمين الاجتماعي نظام ممول - لذلك تحدد الحقوق التأمينية علي أساس عنصرين مهمين : الدخل الذي تؤدي علي أساسه الاشتراكات ، مدة الاشتراك .
علما بأن فئات الاشتراك متدرجة ، فهي حاليا من 500 جنيه الي 4170 جنيه .

كمان كده المعاش بناء علي إشتراك 75 جنيه هيكون كام عند التقاعد واستحقاق المعاش؟
الحد الأدني للمعاش حاليا 500 جنيه

وهل سن التقاع 60سنه ولا 65 سنه ؟
65

وهل الاشتراك ده اللي هو بنسبه 15% من الدخل وشريحته 500 جنيه وما موقع الدخل ده من الدخل الثابت و الدخل المتغير؟
دخل الاشتراك يتم اختياره من بين فئات الدخل بالجدول رقم 1 المرفق بقانون التأمين الاجتماعي علي أصحاب الأعمال ومن في حكمهم الصادر بالقانون رقم 108 لسنة 1976 بمراعاة أن يتناسب مع دخلك الفعلي من النشاط - لضمان معاش يتناسب مع هذا الدخل .

سيادة المستشار جزيل الشكر لحضرتك علي التفضل بالإفادة جزاك الله خيرا

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم

بارك الله فيكم
ونسأل الله عز وجل حسن القبول