سيدة تبلغ من العمر ٧١ عام
لها زوج ياخذ معاش صاحب عمل ١٨٠٠ جنيه
ولهذه السيدة اولاد وبنات بعضهم يعمل
هل تستحق معاش تكافل وكرامة او اي معاش اخر
مع العلم انها لا تعمل ولم تعمل ابدا
وشكرا مقدما

تكافل وكرامة يراجع بشأنه وزارة التضامن الاجتماعى راجع الرابط
https://www.moss.gov.eg/ar-eg/Pages/FAQs.aspx
وعنوانه
الاسئلة الشائعة


تكافل وكرامة:
يتضمن أسئلة منها:
هو ايه الفرق بين مساعدة "تكافل" ومساعدة "كرامة"؟
تكافل مساعدة نقدية مشروطة هو استحقاق اسري
ويمنح للأسر اللي مستواها المعيشي ضعيف جداً ودخلها قليل وماعندهاش أملاك أو حيازات على شرط أن الأسرة دي تكون عندها أطفال من سن (يوم-18 سنة) ، والأطفال اللي فوق 6 سنين مُسجلين في التعليم ومنتظمين في الحضور بنسبة 80% على الأقل .
أما كرامة فهو استحقاق فردي
بيستهدف الأفراد المُسنين اللي عندهم 65 سنة أو أكثر وبيستهدف كمان الأشخاص اللي عندهم اعاقة أكتر من 50% بشهادة من القوميسيون الطبي .

ايه هي شروط التقديم لتكافل؟
تـكون الأسرة عندها أطفال (على الأقل طفل واحد) من سن الميلاد وحتى سن 18 سنة. الأطفـال من سن 6 سنوات لازم تتسجل في المدارس وتحضر بانتظام بنسبة لا تقــل عن 80% من أيام المدرسةلازم تكون الأسرةاللي بتقدم أصلاً مستواها المعيشي متواضع جداً يعني تكون فقيرة أوي.. يعني مايكونش عند الأسرة أراضي أكتر من نصف فدان ومايكونش عندها أمــلاك كبيرة زي حيازات.. سيــارات.. جرارات.. بيوت..لازم تــكون الأســرة مابتاخدش معاش ضمــاني أو معـاش كبير من جميعات أهلية.. ومايـكونش رب الأسـرة أو زوجته بياخدوا معـاش تأميني أو معاش مُحــول أكتر من 400 جنيه او بيعملوا فــي وظائف حكوميـة او خاصـة بمرتب كبير.

ايه هي شروط التقديم لبرنامج كرامة؟
أن يـكون الفـرد ذو الاعاقــة عنده عجز يمنعـه عن العمل بشـكل منتظــم مايكفيش مصاريف معيشته أو علاجه . المريض بمرض مُستعصي يعجزه عن العمل،ويثبت درجة العجز من القوميسيون الطبي. لازم يكون الفرد والأسرة اللي هو منها مستواها المعيشي متواضع.. يعني مايكونش عند الأسرة أراضي أكتر من فدان ومايكونش عندها أملاك كبيرة زي سيارات موديل بعد عام 2000 أو بيوت تانية أو جرارات.. الخ. لازم يكون الفرد مابياخدش مساعدة اعاقة أو عجز من الضمان الاجتماعي ولا بياخد معاش تأميني أو معاش مُحول أكتر من 400 جنيه . لا يعمل بوظيفة حكومية او خاصة بمرتب كبير

هل يجب أن يكون للشخص رقم تاميني
لوعايز يقدم في برنامج كرامة

راجع وزارة التضامن الاجتماعى