السلام عليكم ورحمة الله وبركاته
تحية طيبة الى شخصكم الكريم وبعد
انا حاليا اعمل فى شركة من شهر 9 2012 وعند توقيع العقد وقعت على 5 الاف جنيه كقيمة كورسات حصلت عليها فى الشركة ثم بعد ذلك بستة اشهر وقعت على الفين جنيه اخرين كقيمة كورس اخر ( علمت بعد ذلك ان الشركة كل فترة بتخلى الموظفين يمضوا عشان ميسيبوش الشركة وحتى يكون عائق امامهم )
فى شهر 10 2013 حصلت على عرض افضل من شركة اخرى وقدمت استقالتى من اول الشهر لمدير الشركة على اساس ان ده اخر شهر وعند طلبى لصورة للاستقالة رفض المدير طلبى عشان فى زميل قبلى قدم استقالته واخد صور منها وراح اشتكى الشركة
هما دلوقتى عاوزين يدفعونى فلوس مع العلم ان الكورسات دى اخدناها داخل الشركة وكمان مدوناش شهادة بيها
فى ناس قدمت استقالتها قبل كده ومدفعتش حاجة بعتولهم جوابات على البيت انذار بالفصل وبعد كده فصلوهم من التامينات للانقطاع عن العمل مع العلم انهم اشتغلوا شهر بعد ما قدموا الاستقالة مثلى
فهل هناك اى اجراء استطيع اتخاذه لتفادى اى اضرار مستقبلية وهل هناك ضرر للفصل من التامينات للانقطاع عن العمل
ارجو المساعدة ولكم جزيل الشكر