السلام عليكم ورحمة الله وبركاته

سيادة المستشار / تحيه طيبه وبعد .....
لو سمحت يا سيادة المستشار كنت قد سألت حضرتك سابقا عن أثبات العجز عن الكسب
والتي انتهت الي
ونظرا لأن أسر العاملين بالقوات المسلحة تنتفع بالعلاج والرعاية الطبية
فانه بعد بلوغ الابن السن التي لا يكون له بعده الحق في استحقاق المعاش
وكان لديه حالة عجز فانه يصدر بشأنه قرار باستمرار الحق في العلاج ودا طبعا فى حياة الوالد أو الوالدة
فاذا كان القرار باستمرار الحق في العلاج مدى الحياه
فإنه يتم عرضه علي لجنة العحز لا ثبات حالة العجز عن الكسب ودا طبعا فى حياة الوالد أو الوالدة أيضا

الا أن استحقاق المعاش لايكون الا بعد وفاة الوالد أو الوا لدة المؤمن عليه او صاحب المعاش
الموضوع كالاتى
ذهبت لتقديم طلب التماس علاج الابناء وفيه توضيح بأثبات مدى القدره على الكسب وكذلك مدى أحتاجى لمعاونه دائمه من شخص أخر
الا أننى فوجئت بصف الظابط ( ينصحنى )
بعدم تقديم نفسى مره ثانيه على الكومثيون بحجه أنهم سوف يسحبوا قرار العلاج مدى الحياه منى ( يسحبوا البطاقه )
بحجه أنى لو كنت مستحق للمعونه الدائمه ( أنى عاجز عن الكسب ) وأستحق المعاش كان القرار يتضمن ذلك الا ان القرار كان علاج مدى الحياه فقط
السؤال
هل فعلا من حق المجلس الطبى سحب القرار اللى أنا حصلت عليه ( العلاج مدى الحياه ) لو قدمت طلب تانى بعد انقضاء 6 شهور المقرره
بحجة ان القراركان مدى الحياه فقط ولم يذكر أى شىء أخر ول وكنت تستحق لكان القرار العلاج والمعاش والمعاونه الدائمه ( على حد قول الصول )

وهل أسمع كلام الصول ومقدمش نفسى تانى أرضا باللى قسم هولى ربنا على حد قوله هذا ................
مع العلم أنى معى من الاشاعات والمستندات ما يثبت مرضى ( كما وضحت لحضرتك سابقا )


لو سمحت أرجو رأى حضرتك فى ماحدث معى هذا ................

أشكرك شكرا جزيلا سيادة المستشار

أصل الموضوع بالرابط
http://elsayyad.net/forum/showthread.php?t=5855
وعنوانه
توزيع المعاش على المستحقين-اثبات عجزالابن وفقاللقانون الصادربالقانون90لسنة1975

تراجع في هذا الشان
إدارة التامين والمعاشات للقوات المسلحة

باعتبارها الجهة المختصة

أشكر سيادتكم شكرا جزيلا

بارك الله فيكم

السلام عليكم ورحمة الله وبركاته

سيادة المستشار / محمد حامد الصياد
تحيه طيبه وبعد ..........
اولا :- كل عام وحضرتك بخير وتقبل الله منا ومن سيادتكم الصيام والقيام

ثانيا :-
الحمد لله رب العالمين بفضل الله وبمن الله وبكرمه انا الان حصلت على قرار بالعلاج والمعاش مدى الحياه مع حقى فى اعانة المرافق وذلك بعد عرضى على المجلس الطبى العسكرى لجنة مخ واعصاب فى ملف والدتى ( طبعا هى على قيد الحياه )
قررت اللجنه ان انا عندى التهاب أعصاب متناثر وخزل رباعى غير قادر على الكسب يستحق علاج ومعاش مدى الحياه وايضا مدى احقيتى فى نسبة 20% من قيمة المعاش بدل مرافق ودا طبعا الجواب الموجه من شئون الظباط الى اداة التامين والمعاشات بالقوات المسلحه
وطبعا زى ما حضرتك فهمتنى ان المعاش واعانة المرافق بعد وفاة والدتى .........................................

يتبقى لى :-

ملف المعاش الخاص بوالدى وهو ( طبعا الان على قيد الحياه )
ما هى الاجراءات المطلوبه منى بالنسبه لملف معاش والدى وبالنسبه للتامين الصحى
والدى موظف بمجلس المدينه على المعاش
هل أعمل نفس الاجراءات واطلب عرضى على التامين الصحى ( الكموثيون ) وأتبع مثل الاجراءات التى عانيت طويلا انا ووالدتى فيها
والله تعالى أعلى وأعلم وبالله تم التوفيق بالنسبه لملف معاش والدتى بالقوات المسلحه


وووووولالالالالالالالالالالالالالا :-





طالما كان لى القرار بالعلاج والمعاش واعانه المرافق فى ملف ( والدتى )
فأنا لا احتاج للعرض على التامين الصحى بالحكومه بالنسبه لمعاش والدى ؟؟؟؟ ....
يعنى اوتمتيك ان الان لى الحق فى ملف المعاش لوالدى ووالدتى ولا ايه بالظبط

أتمنى أن أتعلم من حضرتك أن حضرتك تفيدنى وترشدنى

انا اسف ان كلمة ( ولا ) كانت طويله منى انا اسف يا فنتدم
لانى متفاعل من الكتابه سامحنى انا تعبان


انا لا أتمنى لوالدى ولا لوالدتى الموت
لان هم سبب وجودى فى الحياه وان هم اللى بيخدموا فيا وهما البركه بتاعتى فى الدنيا الوحشه دى
انا خايف من أخواتى ومن الدنيا مش اكتر ومن الناس كلهم عايز اضمن حقى فى حياتهم ومش عايز ادوخ ولا اتظلم لو كان عمرهم قبل عمرى

" border="0" align="right">

" border="0" align="right">

ملف المعاش الخاص بوالدى وهو ( طبعا الان على قيد الحياه )
ما هى الاجراءات المطلوبه منى بالنسبه لملف معاش والدى وبالنسبه للتامين الصحى
والدى موظف بمجلس المدينه على المعاش
هذه الاجراءات تتم عند تقديم طلب صرف المعاش عن الوالد بعد الوفاة


طالما كان لى القرار بالعلاج والمعاش واعانه المرافق فى ملف ( والدتى )
فأنا لا احتاج للعرض على التامين الصحى بالحكومه بالنسبه لمعاش والدى ؟؟؟؟ ....
يعنى اوتمتيك ان الان لى الحق فى ملف المعاش لوالدى ووالدتى ولا ايه بالظبط
تتخذ الاجراءات حيث ان الجهة المختصة باثبات العجز هي الهيئة العامة للتامين الصحي
ويمكن ان يرفق ضمن مستندات العرض علي اللجنة الطبية المختصة بالتامين الصحي صورة من القرار الصادر من المجلس الطبي العسكري

معالى المستشار





أشكر حضرتك على سعة صدرك وعلى مجهود حضرتك الممتاز وربنا يعينك على تكملة رسالتك فى الحياه
وربنا يعينك على أفادة الناس من علمك وجزاك الله كل خير