السلام عليكم يا فندم كل عام وانت طيب
دلوقتى امى رحمها الله كانت على المعاش بالتربية والتعليم وبعد ما ماتت تم تقديم الورق بتاع الخارجة للتأمينات واحنا ٣ اخت كبرى ورجلين واختى اللى خدت الورق وراحت قدمته طبعا انا عارف ان فى نفقات جنازة وتعويض لعدم وجود مستحقين للمعاش بعد والدتى من كام يوم جالنا ٣ شيكات شيك ب ١٠٠٩ ليا وشيك زيه لاخويا وشيك لاختى ب ٢٥٥٧.٥٠ طبعا احنا كنا فاهمين أنه هيجى شيك واحد وهيتقسم بالقسمة الشرعية لكن ده اللى حصل اختى تمسكت وقالت هو ده نصيبى وكل واحد له شيكه طبعا من الواضح انهم اضافو نفقات الجنازة على شيكها لانها الأكبر ومحدش فينا صرف حاجة على جنازة امى كله كان من خيرها
دلوقتى هل يحق لاختى انها تاخد الفلوس دى لوحدها وهل ده تقسيم يرض الله
افيدونا جزاكم الله خيرا

راجع الجهة الموجود بها ملف المعاش لمعرفة سبب صرف نفقات الجنازة لأختك
هل باعتبارها أكبركم ؟
أما لأنها قدمت ما يفيد قيامها بنفقات الجنازة ؟

حضرتك تم صرفها لانها الأكبر فهل تستحقها دونا عنا ولا بتقسم علينا احنا ال ٣

تستحقها دونا عنا
وفقا للقانون نعم

ولا بتقسم علينا احنا ال 3
ممكن بالتراضي بينكم