ايضاح
 

تم ارسال صورة العقد على الايميل
الرجاء الايضاح الاوراق المطلوبة لعمل معاش لزوجى والاوراق المطلوبة لعمل تامينات لى ان كان القانون يسمح بهذا فى حين تم وقف النشاط

العقد لا يعتد به :
غير مسجل - جميع المستندت منشأة فردية

المستندات المطلوبة للاشتراك في التأمينات الاجتماعية :
صور السجل التجاري - البطاقة الضريبية - عقد الايجار - بطاقة الغرفة التجارية
مع الأصول لمطابقة الصور عليها

بالاضافة لاستيفاء النماذج الخاصة بالتامينات:
طلب اشتراك منشأة - استمارة 2
طلب اشتراك صاحب عمل - استمارة 7
نموذج انهاء اشتراك - استمارة 6
نموذج توقيع

والاجراءات بسيطة يمكنك القيام بها بنفسك

ايضاح
 

جزاك الله كل خير وجعل عملك فى ميزان حسناتك

بارك الله فيكم
ونسأل الله عز وجل حسن القبول

ايضاح
 

استفسار حضرتك بالنسبة لطلب المعاش هل هيحتاجو صور شهادات ميلاد بناتة وصور بطايق والدتة واخواتة وانا دى نقطة ونقطة تانية بالنسبة للمكافاءة هل بيطلع الشيك باسمى ولا باسم جميع الورثة يعنى كل واحد بنصيبة ومنهم بناتى لان انا رحت التامينات فى شبين النهارد وقالو الموظفة فى النيابة تعالى كمان يومين ومعملتش اى حاجة وربنا ييسر الحال يارب

بالنسبة لطلب المعاش هل هيحتاجو صور شهادات ميلاد بناتة وصور بطايق والدتة واخواتة وانا دى نقطة
المطلوب الأرقام التأمينية والأرقام القومية
من له رقم تأميني غير مطلوب شهادة ميلاده
وبالنسبة من لا يعرف رقمه التأميني يتم الاتصال بمركز معلومات التأمينات 16217 للاستعلام عن رقمه التأميني (من خلال اسمه بالكامل وتاريخ ميلاده ومحافظة ميلاده واسم الأم ثنائي)
ومن ليس له رقم تأميني تستوفي شهاده ميلاده لعمل رقم تأميني له
وترفق صورة بطاقة الرقم القومي للجميع


ونقطة تانية بالنسبة للمكافأة هل بيطلع الشيك باسمى ولا باسم جميع الورثة يعنى كل واحد بنصيبة ومنهم بناتى
التعويض الاضافي يصرف باسم كل مستحق ، وبالنسبة للبنات القصر تصرف مستحقاتهم لكي

ملاحظة هامة :
يتم الاشتراك عنكي من اليوم التالي لوفاة زوجك وفقا لقانون التأمين الاجتماعي علي أصحاب العمال ومن في حكمهم الصادر بالقانون رقم 108 لسنة 1976باعتبارك المديرة المسئولة عن المنشأة
راجع الرابط
http://www.elsayyad.net/forum/showth...DD%D1%CF%ED%C9
وعنوانه
استفسارهام بخصوص عمل معاش لوالدتي-خضوع ورثةأصحاب الأعمال فى المنشأةالفردية-

ايضاح
 

بصراحة يعجز لسانى عن وصف حضرتك فى مساعدة الاخرين فى زمن قل فية من يساعد اخوة فجزاك الله كل خير عن علمك وعن جهدك فى مساعدة من لا تعرف
كما فهمت انى من حقى عمل تامين لى بما ان توفى زوجى صاحب المنشاة فلو فهمى صحيح كم يكون اشتركى الشهرى وهل ممكن الاشتراك التامينى مع ايقاف النشاط
ولى سؤال ولكن ليس بخصوص موضوعى زوج اختى كان مسافر واستقر حاليا وفتح نشاط تجارى ولة سجل تجارى وبطاقة ضريبية السؤال هل يستطيع شراء عدد سنوات السفر كلها ولا يوجد حد اقصى للسنوات الماضية للعمل بالخارج

فهمت انى من حقى عمل تامين لى بما ان توفى زوجى صاحب المنشاة
الاشتراك اجباري طالما ظلت مستندات النشاط لم يتم الغاءها (السجل التجاري - البطاقة الضريبية - المكان محل النشاط)

لو فهمى صحيح كم يكون اشتراكى الشهرى
تبعا لفئة الدخل التي يتم اختيارها في 19 / 12 / 2017 (من 500 جنيه الي 3670 جنيه) نسبة الاشتراك 15 % شهريا من فئة الدحل التي يتم اختيارها

وهل ممكن الاشتراك التامينى مع ايقاف النشاط
نعم خلال الايقاف المؤقت - يراعي ما تضمنته الاجابة علي السؤال الأول

ملاحظة هامة :
قواعد الجمع بين المعاشات والدخل من مهنة
الجمع بين النصيب في معاش الزوج والدخل من مهنة بدون حدود
الجمع بين النصيب في معاش الوالد والدخل من مهنة بدون حدود لمدة 5 سنوات فقط من تاريخ مزاولة المهنة - يتم بعدها ايقاف النصيب في معاش الوالد - ويعاد صرفه في حالة انتهاء مزاولة المهنة

لى سؤال ولكن ليس بخصوص موضوعى زوج اختى
يتم طرحه في موضوع مستقل بكل تفاصيله - حتي لا تختلط الاجابات علي موضوعين مختلفين

ايضاح
 

اسفة بس فى نقطة مش فاهمها يعنى انا لو عملت تامين بعد خمس سنوات هيتم ايقاف معاش والدى حتى لو لم امارس النشاط يعنى مجرد دفع التامين وعمل وقف مؤقت للنشاط دى حاجة
ثانيا
يعنى لو هقبض معاش ٣٦٧٠ادفع ٥٥٠.٥وبعد مدة قد اية اقدر احصل على المعاش دة لو حبيت اعمل الغاء نشاط وليس ايقاف
ثالثا هل لازم اقدم ورقة بمعاش والدى عند طلب الحصول على معاش زوجى ودى اجبها من مكتب البريد ولا مجرد الجواب اللى بعتتة تامينات والدى كافية
وجزاك الله خيرا

انا لو عملت تامين بعد خمس سنوات هيتم ايقاف معاش والدى حتى لو لم امارس النشاط يعنى مجرد دفع التامين وعمل وقف مؤقت للنشاط
نعم

ثانيا
يعنى لو هقبض معاش 3670ادفع 550.5
3670 ليس معاش ، ولكن هي فئة الدخل التي يتم علي أساسها أداء الاشتراك الشهري

وبعد مدة قد اية اقدر احصل على المعاش دة لو حبيت اعمل الغاء نشاط وليس ايقاف
يحدد المعاش علي أساس المتوسط الشهري لفئات الدخل المشترك بها خلال كامل مدة الاشتراك
ومدة الاشتراك
والمعامل عن كل سنة 1 / 45
راجع الرابط
http://www.elsayyad.net/forum/showthread.php?t=285
وعنوانه
المذكرة الرابعة والعشرون: قانون التأمين الاجتماعي علي أصحاب الأعمال ومن في حكمهم

ثالثا هل لازم اقدم ورقة بمعاش والدى عند طلب الحصول على معاش زوجى ودى اجبها من مكتب البريد ولا مجرد الجواب اللى بعتتة تامينات والدى كافية
العكس هو الصحيح - عند تحديد نصيبك في معاش زوجك يتم اخطار الجهة المستحق منها معاشك عن الوالد لتعديل نصيبك فيه

ايضاح
 

[جزاك الله كل خير عن علمك وعملك]

بارك الله فيكم
ونسأل الله عز وجل حسن القبول

ايضاح
 

بالنسبة لاختيار فئة الدخل بيتم الاختيار عل اساس الدخل من مهاش والدى وزوجى ولا دخل المشروع وحيث ان المشروع موقزف فالدخل منة صفر ولو هنختار اقل فئة للدخل بعد عشرين سنة كما فهمت من نص القانون استطيع الحصول على معاش كم تبلغ قيمة المعاش فى هذا الوقت
وهل اقدر اشترى سنوات تضم لملفى التامينى علما انى لم اعمل مطلقا ولكن معى شهادة جامعية ولا لا
وجزاك الله خيرا

بالنسبة لاختيار فئة الدخل بيتم الاختيار عل اساس الدخل من مهاش والدى وزوجى ولا دخل المشروع وحيث ان المشروع موقزف فالدخل منة صفر
دخل المشروع - حد أدني لفئة الاشتراك 500 جنيه

ولو هنختار اقل فئة للدخل بعد عشرين سنة كما فهمت من نص القانون استطيع الحصول على معاش كم تبلغ قيمة المعاش فى هذا الوقت
راجعي المداخلة 50

وهل اقدر اشترى سنوات تضم لملفى التامينى علما انى لم اعمل مطلقا ولكن معى شهادة جامعية ولا لا
ممكن

ايضاح
 

تم ارفاق الاسم بالكامل وصورة البطاقة وفيديو التامينات على الوتس

ايضاح
 

شاكرة لحضرتك تعبك ومجودك معانا هنا على المنتدى وعدم تقصيرك مع اى عضو فينا وطول بال حضرتك فى مواضيع القوانين التامينية التى لا نهاية لها
بالنسبة لموضوعى حبيت ابلغ حضرتك ان اللى حصل فى مكتب التامينات امس كان لية تبعيات اول حاجة حضرتك لما كلمت الموظف هناك الموظف دة راح كلم الموظفة المسؤلة عن فتح الملفات اللى فى الاساس كانت رافضة تفتح الملف وفى بداية كلامة معاها قالت لية مش هفتح ليها ملف بعدين قولت لبنتى صوريها انها من الصبح عملة مشاكل مع غيرى قبلى وطبعا احنا جة دورنا المهم حضرتك الموظف رجع يقولها هى من حقها يتفتح ليها ملف قالتلو عارفة بس ازاى الخطوات معرفش وكانت فعلا قايللى الكلام دة فى الاول قولتلها ادينى ورقة انك مش عارفة خطوات فتح ملف قالتلى لا المهم فى تعنت فى المعاملة وطبعا كل دة مكنش فى حاجة متصورة ومش قادرة اوصل معاها لحل ولا عايزة تسمع لكلام حد المهم لما لاحظت ان البنت صورتها انفعلت واخذت الموبيل منها وانا طبعا قولتلها مش منحقك تنتشى الموبيل او تاخدية قالت هطلب المركز ليك قولتلها برحتك بعدين ادخل موظف تالت وقال روحى اعملى اغلاق للضرائب والغاء لعقد الايجار وفعلا رحت لغيت العقد وقدمنا طلب للضرايب بس قالو تعالى يوم الاحد بعد كدا طبعا احنا ارياف وطلعت هى او جوزها من بلدنا وبعتو هما واشتكو انى ازاى صورتها وانى اقدم شكوى لكن مش من حقى التصوير طبعا انا مكنش قدامى بديل غير التصوير لان مفيش مجال لشكوى اذا مفيش مجال لفتح سجل وفى النهاية فعلا انا هعمل اغلاق حضرتك لسببين اولهم الاشتراك ٥٠٠ج تامين شهرى كتير عليا دى نقطة والتانية ان المكتب دة صعب التعامل معاة فى ظل موظفة وادارة مكتب ضعيفة زى ما سفت خلال الكام زيارة اللى رحتها وربنا يسهل بس ونعرف نعمل فتح ونغلق ونخلص من الموضوع دة على خير واسفة على القصة الطويلة دى بس بفهم حضرتك الاحداث وما سيتم فيها لانك معايا من اول الموضوع وانت اللى عرفتنى انى من حقى فتح السجل والمعاش وجزاك الله كل خير واسفة تانى على الاطالة

وفى النهاية فعلا انا هعمل اغلاق حضرتك لسببين اولهم الاشتراك ظ¥ظ*ظ*ج تامين شهرى
تصحيح : هذه فئة دخل يؤدي عنها الاشتراك بنسبة 15 % منها - أي 75 جنيها شهريا ( راجعي المداخلة 48 )

ايضاح
 

طيب كدا ممتاز بس هو هينفع بعد ما عملت الغاء للعقد فى الشهر العقارى وبعدين كدا اروح الضرايب ولا اروح التامينات وهل اروح ليهم التامينات يوم الاحد ولا انتظر حضرتك انا بعت اسم زوجى ووالدتة ومكان الولادة ولا اكتبهم لحضرتك هنا فى مداخلة
والف شكر ليك على صبرك على مشاكل الاعضاء وعملك على مساعدة من لا تعرف ونقطة تانية مهمة فى حين لو هيرضو ينقلو السجل باسمى هل لازم اعلان الوراثة والوصاية وتوكيلات من اخواتة الورثة عشان ميعقدوش ليا الدنيا اكتر

ايضاح
 

طيب كدا ممتاز بس هو هينفع بعد ما عملت الغاء للعقد فى الشهر العقارى وبعدين كدا اروح الضرايب ولا اروح التامينات وهل اروح ليهم التامينات يوم الاحد ولا انتظر حضرتك انا بعت اسم زوجى ووالدتة ومكان الولادة ولا اكتبهم لحضرتك هنا فى مداخلة
والف شكر ليك على صبرك على مشاكل الاعضاء وعملك على مساعدة من لا تعرف ونقطة تانية مهمة فى حين لو هيرضو ينقلو السجل باسمى هل لازم اعلان الوراثة والوصاية وتوكيلات من اخواتة الورثة عشان ميعقدوش ليا الدنيا اكتر

ايضاح
 

#59
hanaamo
عضو مميز
إحصائية العضو

الانتساب : Feb 2018


رقم العضوية : 62199


المشاركات : 35


بمعدل : 1.47 يومياً


عدد النقاط : 10


hanaamo متواجد حالياً


افتراضي ايضاح
طيب كدا ممتاز بس هو هينفع بعد ما عملت الغاء للعقد فى الشهر العقارى وبعدين كدا اروح الضرايب ولا اروح التامينات وهل اروح ليهم التامينات يوم الاحد ولا انتظر حضرتك انا بعت اسم زوجى ووالدتة ومكان الولادة ولا اكتبهم لحضرتك هنا فى مداخلة
والف شكر ليك على صبرك على مشاكل الاعضاء وعملك على مساعدة من لا تعرف ونقطة تانية مهمة فى حين لو هيرضو ينقلو السجل باسمى هل لازم اعلان الوراثة والوصاية وتوكيلات من اخواتة الورثة عشان ميعقدوش ليا الدنيا اكتر

ولا انتظر حضرتك
نعم

ايضاح
 

السلام عليكم استاذى الفاضل لى استفسار بخصوص معاش والدى هو تم خصم جزء من والدتى وهى كانت بتاخد معاش والدى وجزء بسيط من معاش والدها هل يحق ليها انها تقدم انها تستكمل ماتم خصمة من معاش زوجها من معاش والداها حيث انها الابنة الوحيدة وعند وفاة ابيها كانت بتاخد معاش جوزها فتم استكمالها تقريبا بى ٢٠٠ج وحاليا تم خصم ٧٠٠جنية من معاش والدى فهل يحق لها انها تستكمل هذا الخصم من معاش والدها شاكرة ليك على مساعداتك لجميع الاعضاء وجزاك الله خيرا

هل يحق لها انها تستكمل هذا الخصم من معاش والدها
نعم-طالما تم تخفيض نصيبها في معاش زوجها وفقا لما تضمنته المداخلة 3

ايضاح
 

السلام عليكم استاذنا العزيز
بالنسبة لمعاش والدتى من والدى ووالدها
احب اسال السؤال بشكل اوضح لان لتانى مرة تروح المعاشات ويقولو ليها ملكيش
هى لما زوجها اتوفى والدها كان عايش فاخدت معاش زوجها وبعدين احنا الاولاد لما كبرنا اخدت٤ /٣ معاش والدى وبعدين والدها اتوفى فلما اتوفى والدها قدمت على معاشة واخدت منة فى حدود ٢٠٠او ٣٠٠ج معرفش دة كان استكمال لاية المهم بعد فترة انا الابنة زوجى اتوفى واخدت نصف معاش والدى وهى طبعا انخصم من معاشها ما يعادل الربع من معاش والدى دلوقتى هل تقدر تستكمل اللى اتخصم دة من معاش والدها هى بم انها الابنة الوحيدة فالمروض يكون ليها٤ /٣ معاش والدها ولا هينفعش تستكمل من معاش والدها لانهم فى التامينات قالو ليها لا احنا استكمالنا ليك نص معاش زوجكمن معاش والدك وانتى من الاول اخذتى الزوج فمينفعش ترجعى تستكملى تانى من الاب ومعش بنطول عليك بس عشان نفهم اية الاجراء الصحيح وجزاك الله كل خير

ايضاح
 

السلام عليكم استاذنا العزيز
بالنسبة لمعاش والدتى من والدى ووالدها
احب اسال السؤال بشكل اوضح لان لتانى مرة تروح المعاشات ويقولو ليها ملكيش
هى لما زوجها اتوفى والدها كان عايش فاخدت معاش زوجها وبعدين احنا الاولاد لما كبرنا اخدت٤ /٣ معاش والدى وبعدين والدها اتوفى فلما اتوفى والدها قدمت على معاشة واخدت منة فى حدود ٢٠٠او ٣٠٠ج معرفش دة كان استكمال لاية المهم بعد فترة انا الابنة زوجى اتوفى واخدت نصف معاش والدى وهى طبعا انخصم من معاشها ما يعادل الربع من معاش والدى دلوقتى هل تقدر تستكمل اللى اتخصم دة من معاش والدها هى بم انها الابنة الوحيدة فالمروض يكون ليها٤ /٣ معاش والدها ولا هينفعش تستكمل من معاش والدها لانهم فى التامينات قالو ليها لا احنا استكمالنا ليك نص معاش زوجكمن معاش والدك وانتى من الاول اخذتى الزوج فمينفعش ترجعى تستكملى تانى من الاب ومعش بنطول عليك بس عشان نفهم اية الاجراء الصحيح وجزاك الله كل خير

تضمنت المداخلة 3
هل يقل نسبة معاش امى وكم استحق انا من معاش
حيث تستحق والدتك قبل ترملك 2700 جنيه (3 / 4 معاش والدك وهو 3600 جنيه)
يعاد توزيع المعاش من أول الشهر التالي لترملك - مناصفة بينك وبين والدتك لكل منكما 1800 جنيه
وفقا لما تضمنته المادة (185) من القرار الوزاري رقم 554لسنة 2007
" في حالة عودة الحق في المعاش السابق قطعه يعاد توزيع المعاش بين جميع المستحقين في تاريخ زوال السبب"

تضمنت المداخلة 63
هل يحق لها انها تستكمل هذا الخصم من معاش والدها
نعم-طالما تم تخفيض نصيبها في معاش زوجها وفقا لما تضمنته المداخلة 3

بالنسبة لما تضمنته المداخلتين 64 و 65
مطلوب بيان :
تاريخ وفاة والدها
المستحقين في معاش والدها في تاريخ وفاته والتطورات التي طرأت عليهم حتي تاريخ ترملك
المستحقين في معاش زوجها في تاريخ وفاته

ايضاح
 

جزاك الله خيرا
تاريخ وفاة والدها ٢٠١٤
المستحقين هى فقط واخذت مجرد استكمال لمعاش جوزها فيما يقدر بى ٣٠٠تقريبا
المستحقين فى معاش زوجها فى تاريخ وفاتة هى الزوجة وخمس ابناء وام زوجها وتاريخ وفاتة ١٩٨٨
واية الحل مكتب التامين بيقول ليها انها غير مستحقة لتعويض الفرق من معاش والدها

يتم تقديم طلب لمدير الجهة الموجود بها ملف معاش الوالد يتضمن ما تضمنته المداخلة 66
والحصول علي رد كتابي نوافي به

ايضاح
 

جزاك الله خير وان شاء الله هروح ليهم الاثنين وابلغ حضرتك باللى حصل

ايضاح
 

السلام عليكم
حضرتك يهمنى اوضحلك نقطة مهمة بالنسبة لى ان موضوع المشكلة اللى حصلت مش انا السبب فيها حضرتك انا رحت ليهم اكتر من مرة والكتب يقول غير مستحق وحضرتك تقول مستحق من هنا جة الخلاف
انى ازاى بقولهم بس احنا سالنا وقالو يستحق حضرتك والله ما بتجنى عليهم ولا انى صورت لاى غرض غير انى اعرفك انهم بيقولو لا وان كل مرة اروح المشوار وارجع بدون اى حل لغاية اليوم دة وبعد كدا لما حضرتك ادخلت رضيو يبداءو بالاجراءات انا والله ما مبزعل لما اروح اللى بيزعل ان اروح بدون ما حتى يطلبو منى ورقة او يستلمو منى ورقة دا غير اسلوب الموظفين هناك ربنا عالم انى مبتجنيش على حد بس مفيش مواطن عايز يوقف ورقة عشان يعمل مشكلة فى اى مصلحة حكومية بدليل ان الورق داخل علية شهرين معنديش مشكلة من وقتها وكل ما يقولو على اى اجراء او طلب بنروح نعملة من غير اى اعتراض ولا حتى بلغتك بية ومازلت بعمل فية لوقتنا الحالى بس كل دة عادى المشكلة انهم كانو رافضين انهم يفتحو ملف ومش بيحبو حد يقول سالنا ويفتحو ولو اللى حصل ضايق حضرتك فانا اسفة ليك واسفة على انى دخلت حضرتك طرف فى الموضوع والف شكر ليك وجزاك الله كل خير على مساعدتك لينا وكفاية انك عرفتنا معلومة فتح الملف بعد الوفاة لولاك مكنتش هجرى لبناتى على معاش ومش ببر لنفسى والله بس حضرتك انزل وشوف ازاى المعاملة مع المواطن فى المصالح الحكومية واهو نفس الوضع حصل مع والدتى وهى اللى راحت مرتين انا اول مرة اروح ليها وبردو قالو ملهاش يعنى الموضوع مش اسلوبى انا وربنا اللى عالم واكرر اسفى لحضرتك تانى عن اى فكرة غلط اختها عنى وعن اسلوبى وعن ازعاجك وربنا يجزيك خير والف شكر ليك