|
تأمين حكومي وخاص-يعتدبمدةالقطاع الخاص عن الفترةمن التعيين بالحكومةثم الإجازةلغيرالعمل
السلام عليكم
انا عندي تكليف حكومي وشغال خاص متأمن عليا من القطاع الخاص وواخد اجازه تحسين دخل من القطاع الحكومي علشان اجدد الاجازه في القطاع الحكومي لازم ادفع التأمينات عن السنه اللي فاتت. في تجديد الاجازه الحكوميه عملت لا ارغب في التأمينات ولكن قالوا ان حتي في الحاله دي لازم اتفصل من تأمينات القطاع الخاص. هل في طريقه او حل للموضوع ده خصوصا ان الشركه رافضه انها تشيل التأمينات علشان المسائله القانونيه. يعني علشان افصل تأمين القطاع الخاص لازم استقيل. هل في حل للموضوع ده؟ ازدواج تأميني مثلا؟ وهل الشركه هتتاذي قانونا لو فصلتني من التأمينات والحكومه امنت عليا؟ شكرا! |
راجع الرابط
https://www.elsayyad.net/UploadFiles...ls/2023-02.pdf وعنوانه 2023 02 بشأن معالجة حالات الازدواج التأمينى وفقا لأحكام المادة (4) من اللائحة التنفيذية لقانون التأمينات الاجتماعية والمعاشات من بداية صفحة 6 : ثانيا : فى حالة حصول............. |
مصر
اقتباس:
معلش يا سيادة المستشار، هو مفيش ازدواج تأميني(علي الاقل لحد دلوقتي) انا شغال خاص ومتأمن عليا، بعدها جالي التكليف استلمت وعملت اجازه سنه، لما روحت اجدد الاجازه (كتبت لا ارغب في التأمينات)، قالوا لي في التأمينات ان لازم افصل القطاع الخاص علشان ادفع تأمينات(تأمينات صحيه لان انا كاتب لا ارغب في الاجتماعي) عن سنه الاجازه اللي اخدتها. هل في حل للموضوع ده علما بان الشركه في القطاع الخاص هتلغي التامين في حاله الاستقاله فقط؟ شكرا مقدما |
اقرأ جيدا
من بداية صفحة 6 : ثانيا : فى حالة حصول............. |
مساء الخير
انا فهمت حضرتك تقصد ايه ووريت القانون لمفتش التأمينات الحكوميه وقالي ممكن نطلع افاده (ان انا مش مطالب ادفع الاشتراكات الحكوميه لان تم تسديدها من جهه تانيه باجر تأميني اعلي) بس بعدها قال ان لازم افصل القطاع الخاص علشان يقدر يسجل الاجازه علي السيستيم، هل ده صحيح؟ وهل الترتيب في الالتحاق بجهه العمل تفرق؟ يعني لو التحقت بالخاص الاول وبعدها الحكومي هل في مشكله ولا القانون مش بيحدد الترتيب؟ شكرا |
السلام عليكم، هل في حل للمشكله دي؟ شكرا |
تطبيق أحكام المنشور من بداية صفحة 6 : ثانيا : فى حالة حصول.............
بالنسبة لحالتك: - جهة عملك الأصلية المؤمن عليك بها قطاع خاص بتاريخ ... مطلوب عرض كافة التواريخ المتعلقة بالحالة كاملة |
اقتباس:
- التحاق بالعمل الحكومي سنه ٢٠٢٤ واجازه رعايه اسره بدون مرتب لمده عام حتي سنه ٢٠٢٥ عند طلب تجديد الاجازه الحكوميه لمده سنه اخري حتي ٢٠٢٦ تم طلب دفع التأمينات باثر رجعي، ولكن بما انه تم دفع الاشتراكات من الجهه الاخري بأجر تأميني اعلي. طالبت مكتب التأمينات التابع للجهه الحكوميه بافاده بذلك ورغم انهم لا يختلفوا علي المبدأ ومتفهمين انه تم سداد الاشتراكات مره الا انهم رفضوا اصدار الافاده بحجه انه لايمكن تسجيل الاجازه علي السيستيم بسبب تأمين القطاع الخاص. شكرا! |
التواريخ يوم شهر سنة
وترفق القرارات المتعلقة بجهة العمل الحكومية مع طمس الاسماء |
4 مرفق
اقتباس:
تاريخ التآمين الخاص: ٢٠٢٣/٠٧/٢٠ استلام العمل الحكومي: ٢٠٢٤/٠٥/٢٣ تاريخ قيام الاجازه: ٢٠٢٤/٠٦/١٣ ومرفق صور بالقرارات شكرا جدا! |
تضمنت المستندات المرفقة بالمداخلة السابقة
القطاع الحاص استعلام عن مدة اشتراك مؤمن عليه من موقع الهيئة - من 7 / 9 / 2023 الأجر من موقع الهيئة 20 / 7 / 2023 10.900 - 2024 12.600 - 2025 14.500 الحكومة - بيان الحالة - تاريخ التعيين 19 / 5 / 2024 - تاريخ استلام العمل 23 / 5 / 2024 - الدرجة المالية : الثالثة - قرار منح أجازة بدون مرتب - اعتبارا منه 13 / 6 / 2024 حتى 12 / 6 / 2025 - ذلك بسبب رعاية أسرة وبالتالى ما يعتد به فى نظام التأمين الاجتماعى مدة القطاع الخاص فقط الفترة من تاريخ تعيين بالحكومة وفقا للبند أولا صفحة 5. الفترة من تاريخ الحصول على الأجازة الخاصة لغير العمل وفقا للبند ثانيا صفحة 6. لا يسجل شئ عن الحكومة. |
اقتباس:
متشكر جدا جدا علي الرد. سؤال اخر هل لابد من فصل القطاع الخاص(استماره 6) للحصول علي افاده مختومه من مكتب التأمينات الحكوميه بانه لايسجل شئ عند الحكومه وبان يتم بالاعتداد بالقطاع الخاص بسبب الاجر التأميني الاعلي؟ المفتش في المكتب الحكومي بيقول لازم تفصل القطاع الخاص علشان اطلعلك افاده ان الاشتراكات مسدده بأجر اعلي في القطاع الخاص وانه لا وجوب لسداد الاشتراكات مره تانيه عن القطاع العام. هل الكلام ده سلبم؟ |
اقتباس:
|
تضمنت المداخلة 3
معلش يا سيادة المستشار، هو مفيش ازدواج تأميني(علي الاقل لحد دلوقتي) انا شغال خاص ومتأمن عليا، بعدها جالي التكليف استلمت وعملت اجازه سنه، لما روحت اجدد الاجازه (كتبت لا ارغب في التأمينات)، قالوا لي في التأمينات ان لازم افصل القطاع الخاص علشان ادفع تأمينات(تأمينات صحيه لان انا كاتب لا ارغب في الاجتماعي) عن سنه الاجازه اللي اخدتها. هل في حل للموضوع ده علما بان الشركه في القطاع الخاص هتلغي التامين في حاله الاستقاله فقط؟ المشكله ان نظام الحاسب حاليا مش بيسمح بالازدواج مالهاش حل حاليا الا ان يسدد تامين المرض عشان حل المشكله بشكل مؤقت لحين تطبيق نظام المعلومات الجديد ويبقي بعدها يقدم طلب رد الاشتراكات |
اقتباس:
بعد رفض المفتش دخلت لمدير المكتب وعرضت عليه القانون في الاول كان رافض لانه مش عارف القانون. بعد محاولات اتصل بالتفتيش المركزي وقالوا التزم بالقانون واكتب مذكره او افاده بحالتي لتقديمها للصحه(جهه عملي الحكوميه) مع عدم تسديد اي اشتراكات سواء اجتماعية او صحيه لانها مغطاه من قبل القطاع الخاص. ده طبعا معناه ان الفتره دي هتسقط حكوميا وهتتحسب قطاع خاص. الوضع كده قانوني وسليم، صح؟ هل هيبقي في مستقبلا مشكله لو سيبت القطاع الخاص ورجعت للحكومه ان في فتره متسجله قطاع خاص و بعدها فتره تانيه قطاع عام؟ مش نفس الفتره قصدي فترات متواليه. |
نوافى بصورة المذكرة المشار اليها
|
اقتباس:
هل الموقف كده سليم؟ |
لا حظ أن اجاباتى السابقة تعتمد على وثائق
|
اقتباس:
هو ده اللي انا بسأل حضرتك عليه، هل لو الموضوع مشي كده هو المفروض قانوني صح؟ قصدي ان حتي في عدم وجود وثائق انا موقفي مش غير قانوني؟ الوثيقه او المذكره هي افاده موجهه للصحه بتقول ان الوضع قانوني. هل لو هي متعملتش والمنطقة الطبيه وافقت واكتفت بس ببرينت تأميني يثبت تأمين القطاع الخاص هل في مشكله؟ |
تضمنت المداخلة 14
المشكله ان نظام الحاسب حاليا مش بيسمح بالازدواج مالهاش حل حاليا الا ان يسدد تامين المرض عشان حل المشكله بشكل مؤقت لحين تطبيق نظام المعلومات الجديد ويبقي بعدها يقدم طلب رد الاشتراكات تضمنت المداخلة 19 هل لو هي متعملتش والمنطقة الطبيه وافقت واكتفت بس ببرينت تأميني يثبت تأمين القطاع الخاص هل في مشكله؟ لا مشكلة - اذا كان بمعنى لا داعى الحل المؤقت والاكتفاء ببرنت تأميني يثبت تأمين القطاع الخاص |
اقتباس:
ثانيا، هو ان شاء الله النظام الجديد ده هيتطبق امتي وهل هيحل المشاكل دي ان شاء الله علشان انا شايف ان القانون فعلا غير متوافق مع السيستم الحالي و شكرا جدا جدا مره تانيه |
النظام الجديد فى مرحلة الاختبار
ان شاء الله يطبق خلال هذا العام |
| الساعة الآن 07:12 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd. Trans by