منتديات الصياد دوت نت - هل مازلت غيرمستحقةلمعاش والدى بعدزواج اختى-الجمع بين المعاشات المستحقةعن الوالدين

منتديات الصياد دوت نت (http://forum.elsayyad.net/index.php)

- مستشارك التأميني (http://forum.elsayyad.net/forumdisplay.php?f=8)

هل مازلت غيرمستحقةلمعاش والدى بعدزواج اختى-الجمع بين المعاشات المستحقةعن الوالدين

السلام عليكم ورحمه الله وبركاته
سياده المستشار
انا حضرتك بشتغل ومثبته فى شغلى وقبل تثبيتى كنت باخد معاش والدى وقبل مااتثبت بشهر والدتى اتوفت وباخد معاش عنها لحد دلوقت لكن معاش والدى اتشال منى لانى بشتغل واتقسم على جدتى واختى ودلوقت اختى اتجوزت وعوزه اسال حضرتك عن اللى المفروض يحصل دلوقت وازاى المعاش هيتقسم تانى
مع العلم انى بشتغل مدرسه ومرتبى 750 جنيه شهريا ومكافاتى اخر السنه 2150
ومعاش والدتى اللى باخده لسه 625
واختى كانت بتاخد معاش والدى ووالدتى ونصيبى اللى راحلها من شغلى مع بعض 1550
وجدتى الباقى
مع العلم انا معاش والدى كان فيه جدتى واختى
ومعاش والدتى مفيش غيرى انا واختى وبس
ياريت حضرتك تقولى ازاى هيتقسم المعاش بالارقام وهل مازلت غير مستحقه تماما لمعاش والدى بعد جواز اختى ؟
وازاى هيتقسم معاش والدتى بعد مااصبحت اختى غير مستحقه ليه ؟
ياريت حضرتك تفيدنى بالارقام
كمان ياريت تقولى حضرتك المفترض ان منحه زواج اختى تبقى فى حدود قد ايه بالظبط ؟
شكرا لحضرتك

بسم الله الرحمن الرحيم

مع العلم حضرتك ان مرتبى اللى هو 750 منه 150 جنيه مشروطه بحضرورى عدد معين من الايام ولو خدت اجازه اعتيادى مش باخدهم

بعد زواج اختك يؤؤل نصيبها اليك فى حدود 2/3 المعاش

بفرض دخلك من عمل 750 +2150/12 =750+180 =930 جنيه

بحيث يتم حساب نصيبك فى معاش الوالدين ويطرح منهم دخلك من عمل

(اجمالى معاش الوالدين ×2/3 )_ دخلك من عمل ( 930 )= نصيبك فى المعاشين

السلام عليكم

بمعنى ان اجمالى معاش والدتى = 625 انا +625 اللى كانوا نصيب اختى
= 1250

واجمالى معاش والدى = 925 نصيب اختى + 462 نصيب جدتى = 1387

يعنى اجمالى المعاشين = 1387+1250= 2637

وبالتالى نصيبى فى الاخر بعد القسمه وحذف مرتبى = 828

يعنى تقريبا ماليش اى حق فى معاش والدى

بس على فكره انا جالى النهارده جواب من التامينات فيه شيك ب 208 ودا خاص بمعاش والدتى يعنى المفروض من بدايه الشهر اللى جاى يزيد معاشى من والدتى ل 833 تقريبا يعنى تلتينه دا اللى فهمته من الورق
كمان هما بيعاملوا المعاشين انهم مستقلين عن بعض تماما حتى كل ملف فيهم مع موظف مختلف هل دا عادى فى حالتى وبيحسبوا نصيبى فى كل واحد كل على حده كمان هما واضح انهم ادولى التلتين فى معاش والدتى لكن معاش والدى هيفضل متشال زى ما كان هل دا صح ؟

مع العلم ان موصلنيش اى شىء عن معاش والدى اطلاقا ولا حتى جدتى وصلها اى شىء لان المفروض انها تاخد تلتينه لانى خلاص اصبحت غير مستحقه

هما اصلا من زمان بيعاملونى كدا شايلين واحد وسايبين التانى

كمان حضرتك اختى راحت قبل كدا هناك وشرحت دا للموظف المسؤل عن معاش والدتى رد عليها وقالها مش كفايه هما شالو منها واحد يبقى طبيعى انهم يسيبولها التانى دا كان رده عليها

يجمع الأولاد بين المعاشات المستحقة عن الوالدين بدون حدود
وحيث أن ا ستحقاق الجده لا يؤثر فى نصيبك
فانه يستحق لكي ثلثي كل من معاش الوالد والوالدة
علي أن يخصم من الاجمالي
قيمة صافي الدخل من العمل ( بعد خصم اشتراكات التأمين الاجتماعي والضرائب )

يتم الرجوع للموضوع التالى

استشارةعاجلة -الجمع بين المعاشات المستحقةعن الوالدين-حدود الجمع بين المعاشين والدخل

على الرابط التالى

http://elsayyad.net/forum/showthread.php?t=791&highlight=%E3%DA%C7%D4+

%C7%E1%E6%C7%E1%CF%ED%E4&page=3

شكرا لمداخلتك
صحة الرابط
http://www.elsayyad.net/forum/showthread.php?t=791&highlight=%C7%D3%CA%D4%C7%D1%C9%DA%C7%CC%E1%C9+-%C7%E1%CC%E3%DA+%C7%E1%E3%DA%C7%D4%C7%CA+%C7%E1%E3 %D3%CA%CD%DE%C9%DA%E4+%C7%E1%E6%C7%E1%CF%ED%E4-%CD%CF%E6%CF+%C7%E1%CC%E3%DA+%C7%E1%E3%DA%C7%D4%ED %E4+%E6%C7%E1%CF%CE%E1
وعنوانه
استشارةعاجلة -الجمع بين المعاشات المستحقةعن الوالدين-حدود الجمع بين المعاشين والدخل

جزاكم الله خيرا

ومتعكم بالصحه والعافيه