السلام عليكم ورحمه الله استفسار بشأن المعاش-الرد والأيلولة-منحة القطع
 

السلام عليكم ورحمه الله وبركاته
انا طبيب متخرج لسه السنة دى
ووالدى متوفى الله يرحمه يارب
وانا ووالدتى لينا معاش وووالدتى عملتلى توكيل و المعاش بقى بينزل باسمى وبقبض تقريبا 1600 جنيه
الوقتى انا اتعيينت الحمد لله الشهر ده وهقبض اخر الشهر
عاوز اعرف ايه الخطوات اللى اعملها علشان اقطع المعاش والاوراق المطلوبة وايه موضوع مكافائاه القطع وتقريبا هتكون مقدارها قد ايه
وشكرا مقدما لحضرتك
تحياى

يتم تقديم طلب للجهة التي بها ملف المعاش
لقطع معاشك وصرف منحة القطع
مرفقا به شهادة التخرج
وبيان من جهة العمل يتضمن تاريخ الالتحاق

بناء علي ذلك
يتم تعديل معاش والدتك الي 3 / 4 المعاشبدلا من النصف
وتحدد منحة القطع علي أساس نصيبك في المعاش وهو النصف × 12 شهر

شكرا اليك استاذ محمد وجزاك الله خيرا عن عامك ونفع المسلمين به

بارك الله فيكم
ونسأل الله عز وجل حسن القبول

لو سمحت استاذ محمد بالنسبه لموضوع مفردات المرتب وكده ولو مرتبى اقل من المعاش باخد الفرق
ممكن حضرتك توضحلى النقطه دى لانى مش فاهمها

استحقاق الابن في المعاش حتي بلوغه سن 21 سنة
ومن الاستثناءات علي ذلك
استمرار الابن الحاصل علي مؤهل عالي في استحقاق المعاش
حتي بلوغه سن 26 سنة
أو التحاقه بعمل أيا كان الأجر من هذا العمل
أيهما أسبق

انا عارف دى يا استاذ محمد انا قصدى ان تقريبا مرتبى هيكون 930 جنيه وانا بقبض معاش 1600 ده ليا ولوالدتى
السؤال انا كده يبقى مرتبى هيبقى اكبر من معاشى اللى هو فى الاساس كان 800
كده انا خلاص هيتلغى معاشى لان مرتبنى اكبر من معاشى
واقبض مكفافاه القطع وخلاص اللى هيا زى حضرتك ماقولت 12 * 800
انا كده فاهم صح ولا غلط ؟؟
وشكرا على سعه صدر حضرتك

راجع المداخلة 6 جيدا
أو التحاقه بعمل أيا كان الأجر من هذا العمل


تضمنت مداخلتك الأخيرة
كده انا خلاص هيتلغى معاشى لان مرتبنى اكبر من معاشى
واقبض مكفافاه القطع وخلاص اللى هيا زى حضرتك ماقولت 12 * 800
انا كده فاهم صح ولا غلط ؟؟
صح

جزاك الله خيرا

بارك الله فيكم
ونسأل الله عز وجل حسن القبول