مقدمة
انا مؤمن عليا عامل بتاريخ 1971 في المنشاة الخاصة بوالدي وتوفي والدي بتاريخ 1991 وفضلت اسدد تاميناتي الشهرية كعامل حتي بلغت سن المعاش في 2009 وهنا ابلغوني في المكتب انه سيتم ادخالك في التامينات الاجتماعية كصاحب عمل بتاريخ وفاة والدي وبالتالي انا ليا فلوس فرق تامينات عامل عن صاحب عمل من تاريخ 1991(تاريخ وفاة والدي) والمبلغ هو 6000 جنيها وابلغني موظف الهيئة ان الفترة من سن ال 60 حت 65 مش حدفع عنها اشتراك وحيتم خصم الاشتراك من مبلغ 6000 جنيه

ملحوظة
انا اخدت معاش عامل عند بلوغي 60 بتاريخ 7/10/2009 يبقي اكيد معليش اي فلوس صح؟؟ يعني لو عليا اشتراكات قديمة مش حقبض معاش

المشكلة
في تاريخ 7/10/2014 بلغت 65 رحت اخد معاش صاحب عمل قالو لي انت عليك مبلغ 800 جنيه قبل ما تطلع سن الستين واشتراك صاحب عمل عن فترة بين سن 60 وسن 65 مبلغ 2800 شامل الفوائد فاشتكيت في المكتب ولا فائدة رحت مكتب تامينات يراس المكتب دة قدمت شكوي للجنة فض منازعات بتاريخ 5/1/2015 تم تاجيلها الي 2/2/2015 لاحضار الملف

تم وقف معاش شهر 12 فجاة ولما رحت اسئل قالو لي وقفناه عشان نضمهم سوا


اية الحل؟؟؟ انا معايا مذكرة من المكتب ان ليا فلوس فرق تامينات من عامل الي صاحب عمل غن فترة 1991 الي 2009

منتظر رد حضرتك

ارجو الرد لو تكرمتم

هذا الموضوع لايمكن اعطاء راي فيه حيث
يتطلب الاطلاع علي كافة المستندات والمعلومات المتعلقة به
بالاضافة الي أنه معروض علي لجنة فض المنازعات

قالو لي انت عليك مبلغ 800 جنيه قبل ما تطلع سن الستين
طيب ازاي قبضت معاشي في سن الستين فضلا اني معايا ورق من مكتب التامينات بيقول ان لي رصيد دائن 6000 حيتم خصم اشتراك صاحب عمل لفترة 5 سنوات لما يبقي عندي 65 علي شريحة كبيرة لان الموظف قالي صعب تسترد الفرق فحندخلك علي شريحة كبيرة

برضة يبقي السوال هل ممكن يبقي عليا اشتراك800 جنيه ويقبضوني معاش؟؟

هل لهم الحق في وقف معاشي كعامل الان؟

معذرة
سبق الرد بالمداخلة 4

يمكن من خلال موقع الهيئة
راجع الرابط
http://www.nosi.gov.eg/Arabic/Pages/default.aspx
وعنوانه
الهيئة القومية للتامين الاجتماعي

او الاتصال بمركز المعلومات
تليفون 16217