السلام عليكم ورحمة الله وبركاته
حضرتك انا والدى توفى 2005 وانا غير متزوجه وباخد معاش كمستفيده من التامينات عن والدى المتوفى الله يرحمه وانا محاميه وعضوه فى نقابة المحامين بسداد الاشتراك وليس لى عمل خاص بمعنى انى بعمل لدى الغير "" فى مكتب محامى وغير مؤمن عليا ""وفى المقابل باخد مرتب اخر الشهر وتم تقيدى فى الجدول العام 2001 وقيدت ابتدائى 2005 ومن 2012 حتى الان انا لا اعمل نهائيا لظروف اسريه مع استمرار سداد اشتراكات النقابه ... عرفت مؤخراً ان التأمينات يوجد بها قانون ينص بوقف صرف المعاش عن الابنه المحاميه لمجرد انها عضوه فى نقابة المحامين وحامله لكرنيه النقابه !! ببغض النظر من كونها انها تعمل بشكل فعلى ام لا لمجرد فقط انها تحمل كرنيه النقابه
انا كده بنص القانون اخدت معاش من التامينات بغير وجه حق باعتبار انى كنت اتقاضى المعاش فى نفس وقت حملى لكرنيه نقابة المحامين كعضوه فى النقابه "" بغض النظر من كونى ازاول مهنة المحاماه بشكل فعلى من عدمه ""
انا عندى استعداد اسقط عضويتى من النقابه لانى غير مستفيده منها فلو حبيت اسوى موقفى مع التامينات عما سلف هيكون ازاى يعنى هل هرد كل اللى اخدته من التامينات خلال فترة عضويتى فى نقابة المحامين ولا التامينات هتحسب الفرق بين المعاش والراتب اللى كنت بتقاضاه وقت ما كنت بشتغل وتطالبنى بالفرق ده .. طيب انا معنديش ما يثبت الراتب وقت ما كنت بشتغل يعنى انا لو قولت انى كنت باخد 200 فى الشهر ازاى اثبت للتامينات صحة كلامى وخصوصا ما فيش اى اوراق معتمده ممكن اجيبها عن مفردات الراتب اللى كنت باخده من المحامي اللى كنت بشتغل عنده "" انا مش موظفه علشان اعرف اثبت بالاوراق انى كنت باخد مرتب اد ايه .. انا شغلى حر "" كمان فى 3 سنين من 2012 لحد 2015 انا مش بشتغل فيهم هل برضه هتحاسبنى التامينات عنهم باعتبار انى حامله لكرنيه نقابة المحامين .
ارجوا الافاده جزاكم الله كل خير