السلام عليكم

لو سمحت انا بقبض المعاش بتاع شهر مارس اول الشهر لقيتو ناقص النص ومش عارفة ايه السبب


هل حضرتك عندك فكرة ايه السبب او هل في شئ جديد ؟

راجعي الجهة الموجود بها ملف المعاش

تمام يا استاذنا بالفعل رحت سالت

قالولي المعاش نازلك كامل وبعدها راجعنا عمليات السحب اللي تمت من الماكينة
لاني بقالي فترة بقبض من ماكينات الصرف اللي في الشارع مش بروح البوستة اقبض

وللاسف بعد المراجعة لقيت انهم حسبو عليا سحبة من السحبات اللي طلبتها من المكنة
ولكن السحبة دي في الحقيقة لم تتم .. يعني بقية المبالغ تم سحبها من المكنة بالفعل

لكن هناك مبلغ 1500 جنيه لم تخرجه المكنة وتم احتسابه عليا
بعدها قالولي كلمي الرقم المختصر اللي في ضهر الكارت واعملي شكوي

وفعلا عملت شكوي وقالولي في خلال اسبوعين المبلغ بيرجع للحساب
بس لحد دلوقتي مفيش حاجة رجعت وكدا فات حوالي اسبوع

هل بخبرة حضرتك الحاجات دي بترجع ولا كدا راحت عليا
وهل لو الشكوي مجابتش نتيجة في اي اجراء اقدر اعملو تاني

شكرا لحضرتك واسفة علي الاطالة

وفعلا عملت شكوي وقالولي في خلال اسبوعين المبلغ بيرجع للحساب
تابعيهم

بالفعل يا استاذنا الفلوس رجعت في الحساب وسحبتها خلاص
شكرا واسفه علي الازعاج

الشكر لله عز وجل

بسم الله الرحمن الرحيم
" ....الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا اللَّهُ... "
من الأية (43) من سورة الأعراف

".... إِنْ أُرِيدُ إِلاَّ الإِصْلاحَ مَا اسْتَطَعْتُ وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "
من الأية (88) من سورة هود
صدق الله العظيم